Климаттың өзгеруі

«ОАЭК» АҚ климаттың өзгеруіне және оның салдарына қарсы күрес бойынша шұғыл шаралар қабылдауға шақыратын БҰҰ № 13 Тұрақты даму мақсатын және Париж климаттық келісімін қолдайды. Климаттың өзгеруіне қарсы күрес шеңберінде Корпорацияның стратегиялық мақсаттарына мыналар жатады: жаңартылатын энергия көздерін дамыту, энергетикалық менеджмент жүйесін жаппай енгізу, энергия тиімділігі мен энергия үнемдеуді арттыру бағдарламаларын әзірлеу, өндірістік процестерден бөлінетін парниктік газдарды азайту шаралары.

2020 жылдан бастап Корпорация құрылымында «Астана EXPO-2017» жел электр станциясы («ЦАТЭК Green Energy» ЖШС) бар.

ЖЭК жобаларын іске асыру жел энергиясынан электр энергиясын алу және оны Қазақстан Республикасының ұлттық электр желісіне жеткізу арқылы парниктік газдардың (CO₂) шығарындыларын азайтуды қамтамасыз етеді. Өндірілген электр энергиясының көлемі қазба отынды пайдаланатын дәстүрлі электр станцияларынан алынатын электр энергиясын алмастырады және электр энергетикасы секторында CO₂ шығарындыларының жалпы төмендеуін қамтамасыз етеді.

ОАЭК Тобының кәсіпорындарында парниктік газдар қатысу өңірлерінің тіршілігін қамтамасыз ету үшін энергия алу мақсатында қазба отынды (көмір, мазут) жағу процесінде түзіледі. Парниктік газдар шығарындыларына мониторинг жүргізу бойынша қызмет тұрақты негізде жүзеге асырылады, тікелей шығарындылар көлеміне (Scope 1) сандық бағалау, соның ішінде жанама шығарындыларды (Scope 2) ішінара бағалау жүргізіледі, өйткені тікелей шығарындыларды есептеу кезінде кәсіпорынның меншікті энергетикалық мұқтаждықтары да ескеріледі.

Парниктік газдарды мониторингтеу үшін қолданыстағы басшылыққа алынатын нормативтік құжаттарға сәйкес отындағы көміртегі мөлшерін зертханалық анықтау арқылы есептеу әдісі қолданылады.